يسولف مزيهر
يكول بالثمانينات جانت عدنه مناسبه بالبيت وجداتي كلهن ملتمات عدنه فيكول اني عندي بايسكل قديم ودائما اغسل الزنجيل مالته بالنفط فترست البريج نفط ورحت اجيب السفنجه اجت وحده من جداتي مستعجله ومتوازيه فأخذت البريج ودخلت للتواليت تكرمون حسبالها ماي بالبريج دقيقتين وطلعت تزحف على ركبه وتصيح الحكولي نار وشبت بيه يمه هاي نار وشبت عوينت اهلكم واسبوع مكابله المبرده ومفلكحه على كفاهه.
يكول ظلت حبوبتي ست اشهر تضوك الماي يله تدخل للتواليت.
ربّاط سالفتنه
شوفوا عجايزنه صارلهن درس من البريج بسالفه وحده وإحنه 14 سنه نروح ونرجع على نفس البريج ولا تصير إلنه جاره ومن تخلص اﻷنتخابات كمنه نصيح إلحكونه نار وشبت بينه وكمنه نزحف على ركبنه ومفلكحين على الهوه والمشكلة مو هنا المشكلة اكو ناس تقاتل وذابه لحم على جماعة ال 14 سنة ولاتكول اكو فساد ودولة منهارة وطياح حظ وصل تحت الركبة وطبعا هذولة اللي يقاتلون على اللي ذكرتهم من ترجع للواقع لا محصل شي منهم ولا عنده وظيفة ولا راتب ولا بيت ولا همه بحاله ولا يعترفون بيه بس ما اعرف شنو فلمهم فطرة أو غباء الله اعلم أما اللي مستفاد منهم ويثقف الهم هذا معذور مصلحته تتطلب والكلام مو يمه .
مالكم علاقة بالصورة هذا واحد طايح من الدرج أمر من حالي
