جان أكو شيخ عشيره بالثمانينات يصعد يوميا للمدينة بسيارة الرف الوحيده اللي جانت موجوده بالقريه ودائما الكرسي اللي بالصدر محجوز لهذا الشيخ وعند وصول السيارة لمنطقة الشيخ يجدونه باﻷنتظار ويصعد معهم .
فأكو وحده تبيع مخضر إسمه نوريه راقبت الشيخ وقررت يوم من اﻷيام تكعد بمكانه بالكرسي اللي بالصدر وبالفعل كعدت مكان الشيخ والناس خجلوا يكلمونه بترك الكرسي لان هي مره ومن وصلوا للشيخ نظر الى نوريه ولم يتكلم لأن الشيخ إبن اجواد وصعد الشيخ خلف نوريه وفي الطريق التفتت نوريه للشيخ بإستهزاء وكالت ها شيخ اليوم كاعد وراي فجاوبه الشيخ وكال شوفي نوريه آني أصعد بالصدر بالصندوك فوك السلة الناس كله تعرفني شيخ فلان
بس إنتي وين ماتصعدين تبقين نوريه أم الخضره
ربّاط سالفتنه
هسه على إجاويد آخر وكت اللي يتسابقون على الجلوس في مقدمة الديوان وبالحسينيات ويتقدمون على ناس أشرف منهم وبشنخره فارغه ومايمشون وي شخص لحل بعض المشاكل إلا بدخولهم للمطعم وكارت موبايل ومصرف جيب ونكلهم اخذو درس من حبوبتكم نوريه .
مع احترامنه للطيين وأهل الكرم والأخلاق
